<div dir="ltr">El próximo <b>martes 24 de mayo</b>, a las <b>19:30 horas</b>, se presentará el libro <b><i>Lo Infinito en un chunco</i></b>, de<b> Irene Vallejo, </b>en el <b>Aula Magna</b> del Paraninfo.<div><br><b>Sinopsis del libro: </b><br><br>Éste ye un libro sobre la historia d'es libros.<br><br>Un recorrito per la vida d'este fascinant artefacto que inventemos pa que las parablas podesen viachar en o espacio e en o tiempo. La historia d'a suya fabricación, de toz es tipos que hemos asayato a lo largo de quasi trenta sieglos: libros de fumo, de piedra, d'archila, de chuncos, de seda, de piel, d'árbols e, es zaguers arribatos, de plastico e de luz.<br>Amés, ye un libro de viaches.<br>Una ruta con escalas en es campos de batalla d'Aleixandre e en a Villa d'es Papiros baixo la erupción d'o Vesubio, en es palacios de Cleopatra e en o escenario d'o crimen d'Hipatia, en as primeras librerías conoixitas e en es tallers de copia manuscrita, en as fogueras do se cremoron códexs prohibitos, en o gulag, en a biblioteca de Sarayevo e en o laberinto d'o subsuelo d'Oxford l'anyo 2000. Pero, sobre tot, este libro ye una fabulosa aventura colectiva protagonizata per mils de personas que, a lo largo d'o tiempo, han feito posibles e han protechito es libros: narradors orals, escribas, iluminadors, traductors, vendedors ambulants, mayestros, sabios, espías, rebels, monchas, esclaus, aventurers Lectors en paisaches de montanya e a lo canto d'o mar, en capitals an la enerchía se concentra e en es puestos més apartatos an lo saber se refuchia en tiempos de caos.Chent normal e corrient de qui en muitos casos la historia no rechistra es nombres; eixos salvadors de libros son es autenticos protagonistas d'este asayo.<br><br><b>Irene Vallejo</b> (Zaragoza, 1979) estudió Filolochía Clasica e obtenió lo doctorado europeu per las universidaz de Zaragoza e Florencia. Dende la infancia se sintió fascinata per las leyendas de Grecia e Roma e lo luminoso mundo mediterranio. Actualment desenrolla una intensa fayena de divulgación d'o mundo clasico impartindo conferencias e a traviés d'o suyo articulo quincenal en El País. D'a suya obra literaria destacan las novelas<i> La luz sepultada </i>(2011), <i>El silbido del arquero</i> (2015), las antolochías periodisticas <i>Alguien hablo de nosotras</i> (2017) e <i>El futuro recordado </i>(2020), asina como es libros infantils <i>El inventor de viajes</i> (2014) e <i>La leyenda de las mareas mansas</i> (2015). <i>Lo infinto en un chunco</i> (2019) ha conquistato es lectors de manera inaudita e s'ha traducito a quasi quaranta idiomas.<br><br>El acto contará con la presencia de la autora,<b> Irene Vallejo</b>, el escritor <b>José Luis Melero</b> y el traductor y editor<b> Chusé Raúl Usón.</b><br></div><div><b><br></b></div><div>La entrada es<b> libre hasta completar aforo.</b></div><div><b><br></b></div><div><b><a href="https://cultura.unizar.es/actividades/presentacion-del-libro-lo-infinito-en-un-chunco-de-irene-vallejo">Más información</a></b></div><div><b><br></b></div><div><a href="https://cultura.unizar.es/actividades/presentacion-del-libro-lo-infinito-en-un-chunco-de-irene-vallejo"><img src="https://cultura.unizar.es/sites/cultura.unizar.es/files/archivos/invitacion_0.jpg" width="562" height="294"></a><br></div></div>